獅子山隧道改善工程
有冇諗過我哋有一日可以由新界行路出九龍，而且全程只係 30 至 40 分鐘？
獅子山隧道改善工程現正進行咨詢，計劃建造一條新的管道，以及擴建南行往九龍方向管道，因此現有嘅北行管道將被閒置。其實係咪可以開放俾行人及單車，好好利用閒置嘅空間？
係咪以為要攀山涉水先可以到達隧道入口？原來事實係，由顯徑站步行約 12 分鐘即可到達。不過如果真係實現的話，最好當然要增加電梯等設計，以及喺隧道內和四周進行改善工程。而九龍入口對出，由於新樓盤正在興建開放給公眾的行人天橋，我哋可以經過天橋通往廣播道等方向。
呢個方案可以話係非常容易實現嘅項目，可以善用空間之餘，亦為市民提供更多出行選擇。九龍綠色通道 Kowloon Greenway剛剛亦喺港台分享咗佢哋嘅建議，相信聽完可以更清楚了解！
支持方案嘅朋友一齊參與聯署，令想像變真！