卑路乍灣海濱長廊

小編今日經過堅尼地城，見到天氣咁好（ 啲雲好似動畫嗰啲咁！），就去咗卑路乍灣海濱長廊散下步。即使今日係星期一，但閒日原來都有唔少小朋友、放狗人士同跑友使用呢個公共空間。

呢個休憩用地前身係公眾貨物起卸區，佔地約 5900 平方米，附近有巴士站同港鐵站 ，非常容易到達。空間入面擺放咗好多活動平台、可移動椅子，唔少都係用咗一啲運貨卡板搭建。小編好耐之前嚟都無發現，原來呢度建設咗一個由非政府機構營運嘅社區水耕園圃同埋溫室，遇上對的時候仲可以買佢哋嘅農作物添啊！（想問，小編係咪 old news is so 唔識串？）

呢個公共空間喺上年開始已經係 24 小時開放俾公眾，唔知呢度夜晚嘅風景同埋人嘅活動又有咩唔同呢 ？大家有冇試用過卑路乍灣海濱長廊？不如同小編分享下你哋嘅使用經歷同感覺？你哋心目中最理想嘅公共空間又係點呢？