《中重型車輛視線標準》點樣先會活用到？－Vision Zero 道路零死亡願景

（先帶個頭盔：一講改善車輛安全措施議題，一定會被人話「阻住人搵食」。#唔好打頭）
其實「改善車輛安全措施」嘅好與壞在於有無活用到！世界上亦都有一個重要嘅計劃「Vision Zero 道路零死亡願景」令到人對於街道安全有更多關注。回到基本步，我們先去睇睇呢個願景背後嘅理念：

#人命重於利益
香港社會好多時忽略咗交通意外嘅事故跟進，傳媒同網民都未必會為咗一單意外追究到底。其實人命攸關，呢啲看似好日常嘅事，都應該得到各位嘅注意。Vision Zero 道路零死亡願景有 #兩個核心道德原則：

1. 'Life and health can never be exchanged for other benefits within the society' （生命和健康永遠不能用來交換其他存於社會的利益）

2. 'It can never be ethically acceptable that people are killed or seriously injured when moving within the road transport system.'（讓人們因使用道路交通喪命或重傷，道德上完全無法接受）

事實上香港每年有超過 1,900 宗致命同嚴重交通意外，不論健康年紀，任何人都有機會遇上的意外死亡嘅機會。道路交通事故瞬間造成令人失去生命，失去生活能力，也對受害者和親友造成難以估算的心理創傷。每個人都有阿媽生，可能是好爸爸好媽媽、孝子賢孫、擁有家庭。經濟發展值一條命，一個家庭，甚至更多人的性命嗎？

－－－－－－－－－－－－
#能夠容錯的整體交通系統設計
「路上零意外，香港人人愛。」我們細細個就知道要注意交通安全，但 Vision Zero 給了與傳統交通觀念截然不同嘅新視野：

1. 交通意外其實唔係「意料之外嘅意外」，而需要改變認知成為「可以預防嘅事故」。我地需要藉著改變道路設計、道路使用者教育、引入新科技等等盡力預防事故發生。

2. 交通系統嘅設計不應只套用於所有行人及駕駛者都完美遵守交通規則嘅情況下，亦都要考慮當有人犯錯時，能夠如何減低意外嘅嚴重程度，盡可能杜絕致命同嚴重意外發生。

除了駕駛者嘅責任外，道路設計者和政策制定者都應該承擔責任。因此，並唔可以單單藉著約束司機或行人嘅行為嚟令到交通意外減少。
－－－－－－－－－－－－

我哋嚟睇睇 #OECD（經濟合作暨發展組織） 總結幾個實踐 Vision Zero 重要因素：

* 安全的街道設計
* 安全的使用者行為
* 安全的車輛
* 安全的車速
* 意外後的處理

訂立《中重型車輛視線標準》只係 「Vision Zero 道路零死亡願景」 其中一項「安全的車輛」嘅基礎。要令我哋嘅交通系統達到願景。仲有好多唔同嘅系統／社區因素需要考慮，咁先可以活用到㗎嘛！

#交通意外不是意外

文：Eric Lo