首先要多謝合辦單位健康空氣行動 Clean Air Network同社區院線 HK Community Cinema ，同埋出席嘅嘉賓黃宇軒 Sampson Wong - 香港城市研究者、One Bite Design Studio梅詩華 Sarah、健康空氣行動馮建瑋 Patrick、道路安全研究小組主席鄺子憲 Julian！我哋呢班第一次搞活動嘅小薯，由租場、電檢到印刷，都得到好多人嘅幫手同提醒，無你哋呢個放映會都無辦法順利完成！

當然仲要多謝街道變革辛苦咗幾個月嘅成員啦！「人本街道」呢個主題，除咗呢個活動，仲有一系列嘅文章同影片，辛苦大家一直以來嘅幫忙。

最後最後，要多謝昨日天氣咁熱都嚟支持嘅觀眾，收到好多感想都覺得座談會嘅討論好有啟發性。我哋都一樣覺得討論嘅時間永遠都唔足夠，希望我哋嘅想像可以一直喺唔同嘅空間發生！感謝你們哋出席，我哋嘅安排一定有更多進步嘅空間，請大家繼續支持街道變革！記得呢幾日留意我哋嘅專頁，會有討論重溫㗎！

大家昨日有冇影相啊，如果有都無妨 tag 返我哋 FB / IG，或者用 #咁理想條街點樣 ，同我哋分享下活動嘅每個時刻啦！